هب يالطيـارة اللـي روعتنـا

هب يالطيـارة اللـي روعتنـا
وحنا ما كنا نخـاف ولا علينـا
ساعةٍ فيهـا اختلفنـا واخلفتنـا
ولالنـا لايـم ولـو ان بكيـنـا
من مطار العاصمة يوم اشلعتنـا
قال قل للقـت يدعـي وادعينـا
واستدارت بالمـدرج وارجعتنـا
قالو ان فالطايرة عطـل ويزينـا
ومعنا فالرحلة هنـوفٍ ولعتنـا
تلتفت وتصـد ثـم تلـد فينـا
وبعد ما ارتعنا ما تنظر في جهتنا
ولا تبي طار الغـرام ولا تبينـا
وعقب ما عدنا من الرحلة لقتنا
واضحكتنـا بعـد كنـا خايفينـا
وانتظرنا لين ما الاخبـار جتنـا
ويوم نادونـا ركبنـا مسرعينـا
واستعدت فالمـدرج وانزعتنـا
وحنا فينا خوف لكـن صابرينـا
واوصلتنـا للسحـاب وقلبتـنـا
ممليـن وخايفيـن وميقنيـنـا
جوفها ما تسمـع الا لرهجتنـا
طحنا ما طحنا نجينا مـا نجينـا
استعدنـا فـي ثوانـي ذاكرتنـا
للخطايا والذنـوب اللـي علينـا
لين هول ذنوبنـا منـه انغمتنـا
يا لطيف ويا رحيم ويـا معينـا
وكنها زانـت شـوي وريحتنـا
وارجهنينا مع الطرف الحسينـا
مير به معنـا عجـوزٍ عاقبتنـا
كنهـا مـا شافـت الا هالثنينـا
لا بدينـا بالسواليـف قرصتنـا
والخليقة مع بعضهـم غافلينـا
وازعلت منـا وجـات وفرقتنـا
واحد ايسرهـا اواحـد باليمينـا
وطول رحلتنـا وهـي مراقبتنـا
وعينها تنظر بشاشـة هاتفينـا
ضايقتنـا وانكبتنـا واحرمتنـا
لا جزاها الله فـي دنيـا ودينـا
ويوم جينا في تبـوك وفارقتنـا
وان كـل النـاس لنـا فاطنينـا
وارحت ام الزين ما تعرف جهتنا
ولا خذت رقمي ولا حنا خذينـا
يا عساها يـوم غـد بطايرتنـا
وان ما عادت ربي يعوض علينا


""منتدى الزعامة""