الطيب غايـة والنشامـا مشاويـح

الطيب غايـة والنشامـا مشاويـح
واللي يعكس الطيب ماهو بمسموح
مره دعونـا الطيبيـن الطحاطيـح
اللي لهم بالطيب والمرجلـه شـوح
وضفنا بمجلسهم على هبة الريـح
وجوهم من اهل المرجله كم طحطوح
ونابو عن الدلـة بعصيـر تفيـح
وقالو شراب الكيف ماهو بممـدوح
ولافيـه داعـي للـدلال المفاويـح
هذا عصير الفاكهة غايـة الـروح
وقومو تعشـو يالوجيـه المفاليـح
وبعد العشاء نبغا سواليف ومـزوح
وقمنا نبا القعـدان والا المفاطيـح
وليا العشا مغيـر بوفيـه مفتـوح
وكلٍ مسك له صحن والهندي شحيح
لو قلت له زيد الصحن قالـك روح
ورحنا نعارك والاكل نصـه يطيـح
ما بين شوك وملعقه تخر جـروح
واللي ما عنـده ملعقـه بالمفاتيـح
لا تاكل بيمنـاك تـراك مفضـوح
وقمنا ليا نص الاشافـي مجاريـح
ولا تسمع الا كثـرة الأح والنـوح
ما دوّم احـدٍ والدعـاوي تساميـح
وان دوّم احدٍ قيل مافيـه مصلـوح
وبعد العشا قالو هاذيـك المراجيـح
اللي يبي يلعب ترى اللعب مسموح
ورحنا بعدهـا للمطاعـم طفافيـح
ولا يقارن المندي ابوفيـه مفتـوح
وهذي رسالة طيب ماهـي بتلميـح
من قام ما دوّم نقول إله يـا لـوح


""منتدى الزعامة""