يازين مد الشوف من بكرة السيل
في خايعٍ يشفي القلوب الحزينـه
جوٍ عليل تطيـب منـه المعاليـل
اللي كتمهـا كتـم جـو المدينـه
تعاقبـت فوقـه ثقـال المخاييـل
رحمه من اللـي كلنـا مرتجينـه
طفـاح ربانـه عيونـه مهاميـل
تبكي مواخيره ويضحـك جبينـه
يسوقه الغربي ونوه كمـا الليـل
سبوع والرعـاد يـرزم حنينـه
وفعّت نواويـره بكـل الغراميـل
وجابو عسوسه من نواميه عينـه
وكلٍ شلع طمبه على الفور ويشيل
وفي يوم وان البـدو متذاكرينـه
وتوجهت قطعانهم لـه عرازيـل
وقبل الدبش يصله وهم واصلينـه
وتكانفو بيت الشعر دون تاجيـل
دقو مناسيبـه بعـرض الدفينـه
ونهض خفيف النفس قدم الرياجيل
وقام وطوى ثوبه وشمّـر يدينـه
وسوى الوجار وجاب كل المعاميل
وليا النشامـا ضوهـم شاعمينـه
وحمس لبنه بين راضه وتعجيـل
وفالمبرد اطلع جوجته من ثمينـه
ودقه بنجرٍ يجـذب ولـه تعاويـل
وبالمكرجه لقّـم وفـاح بغشينـه
يفوح في نقع الصفـا والشهاليـل
يشدي لبيت العنكبـوت وعرينـه
وتريض بفوحه على غير تطويـل
لين ان ريحته انعشـت حالقينـه
وزله بمصفاتـه وبهـره بالهيـل
وذاقه وصبه وابتدا مـن يمينـه
من حلق رسلانٍ تقل لمعة استيـل
والطير وكـره قدمهـم راكزينـه
ساقه على خطو الرجال المشاكيل
لين انهـم كـلٍ رفـع حاجبينـه
وقام وذبح من طنخته كوّم الحيـل
وعزم بنجـره ربعـه وسامعينـه
وبدا القصيد وزان جـو التعاليـل
وقدّم عشـاه وقلّـط مسامرينـه
وبعد العشا قدّم حليـب المباهيـل
شقح البكار الناهيـات الحسينـه
بنات عبدان ولنا جيل مـن جيـل
اتـلاد ورث اجدادنـا حافظيـنـه
يا زينها عقـب المعشـا مقابيـل
لولا الزلل قلنـا كبـار السفينـه
مكحله بالحسن والزيـن تكحيـل
الله يكافيهـا العيـون الشطينـه
جرد الرقاب السانـدات المناتيـل
كبار الجـروم الغانجـات البدينـه
والراس جثلٍ والخراطـم مهاديـل
فهق السموع الداغره في بطينـه
وكبر السنام المنفهق خلف بالحيل
وكـن الوبـر بيدينـا بارميـنـه
وغارب نساعٍ والعضود المفاتيـل
وعرقوبٍ اهزع للمواطـي بلينـه
هذي طراة العمر عنـد الرياجيـل
وكلٍ على نهجه وطبعـه ودينـه
""منتدى الزعامة""
في خايعٍ يشفي القلوب الحزينـه
جوٍ عليل تطيـب منـه المعاليـل
اللي كتمهـا كتـم جـو المدينـه
تعاقبـت فوقـه ثقـال المخاييـل
رحمه من اللـي كلنـا مرتجينـه
طفـاح ربانـه عيونـه مهاميـل
تبكي مواخيره ويضحـك جبينـه
يسوقه الغربي ونوه كمـا الليـل
سبوع والرعـاد يـرزم حنينـه
وفعّت نواويـره بكـل الغراميـل
وجابو عسوسه من نواميه عينـه
وكلٍ شلع طمبه على الفور ويشيل
وفي يوم وان البـدو متذاكرينـه
وتوجهت قطعانهم لـه عرازيـل
وقبل الدبش يصله وهم واصلينـه
وتكانفو بيت الشعر دون تاجيـل
دقو مناسيبـه بعـرض الدفينـه
ونهض خفيف النفس قدم الرياجيل
وقام وطوى ثوبه وشمّـر يدينـه
وسوى الوجار وجاب كل المعاميل
وليا النشامـا ضوهـم شاعمينـه
وحمس لبنه بين راضه وتعجيـل
وفالمبرد اطلع جوجته من ثمينـه
ودقه بنجرٍ يجـذب ولـه تعاويـل
وبالمكرجه لقّـم وفـاح بغشينـه
يفوح في نقع الصفـا والشهاليـل
يشدي لبيت العنكبـوت وعرينـه
وتريض بفوحه على غير تطويـل
لين ان ريحته انعشـت حالقينـه
وزله بمصفاتـه وبهـره بالهيـل
وذاقه وصبه وابتدا مـن يمينـه
من حلق رسلانٍ تقل لمعة استيـل
والطير وكـره قدمهـم راكزينـه
ساقه على خطو الرجال المشاكيل
لين انهـم كـلٍ رفـع حاجبينـه
وقام وذبح من طنخته كوّم الحيـل
وعزم بنجـره ربعـه وسامعينـه
وبدا القصيد وزان جـو التعاليـل
وقدّم عشـاه وقلّـط مسامرينـه
وبعد العشا قدّم حليـب المباهيـل
شقح البكار الناهيـات الحسينـه
بنات عبدان ولنا جيل مـن جيـل
اتـلاد ورث اجدادنـا حافظيـنـه
يا زينها عقـب المعشـا مقابيـل
لولا الزلل قلنـا كبـار السفينـه
مكحله بالحسن والزيـن تكحيـل
الله يكافيهـا العيـون الشطينـه
جرد الرقاب السانـدات المناتيـل
كبار الجـروم الغانجـات البدينـه
والراس جثلٍ والخراطـم مهاديـل
فهق السموع الداغره في بطينـه
وكبر السنام المنفهق خلف بالحيل
وكـن الوبـر بيدينـا بارميـنـه
وغارب نساعٍ والعضود المفاتيـل
وعرقوبٍ اهزع للمواطـي بلينـه
هذي طراة العمر عنـد الرياجيـل
وكلٍ على نهجه وطبعـه ودينـه
""منتدى الزعامة""