البارحة قلبي عـوا عويـة الذيـب
من لايعٍ خـج الضلـوع وطعنـي
اركى على قلبي سمـوم اللواهيـب
سعايرٍ شويّـن حشـاي وشونـي
الهم ضيفٍ والحشـا لـه معازيـب
ضيفٍ كليـف معزبـه مـا يونـي
وشعمت نار السمر من فرية الجيب
لعـل هاجـوس الفكـر يستعـنـي
وادنيت ترفات الـدلال المحاديـب
هـدفٍ بصلـو المرجلـه حرقنـي
وسويت فنجال الهجوس اللواعيـب
كيفٍ على مشهـاي هيـلٍ وبنـي
برية نكوي بهـا الجـرح ويطيـب
مـن ريحهـا حواجبـي رفعـنـي
وشفيت فنجـالٍ سليـم العذاريـب
اكـوي جـروحٍ بالزمـن طاولنـي
وسحاحت اضراسي مثل شمخ النيب
هجراع واضراس الجزع يرعبنـي
ودارت محاحيل الفكـر بالمجاذيـب
شـاوات للجـم الرهـي حولـنـي
بيدين هجسٍ لا تقافـن مغاضيـب
وليـا اقبلـن ولينهـن يضحكنـي
ترامعـن فـي زاميـات المراقيـب
ومـدن درابيـل الرهـا وارمعنـي
للشرّد العسـرات خيفـه وتاديـب
وللهينـه والـدون مـا ينظرنـي
بعيونها للصعب مثـل المشاهيـب
ولا راضت العسره لهـا يغنجنـي
وترايعن مثـل امهـات الدباديـب
لين استهاضن خاطري وإشعفنـي
ما شلت لي محزم زهابـه مكاذيـب
غزايـزٍ فـي طرقـتـي جملـنـي
ارد على هداج عـذب المشاريـب
وجنبي متين ولنثنـي دون ضنـي
لو الزمن ما طاع عكف الاشانيـب
ولو الليالي لا خـذن مـا عطنـي
مير الصبر ليّـه ابنكـه مكاسيـب
اصبـر ودورات الدهـر يرجعنـي
مرات اهاجـم بالقنـا والمشاعيـب
ومرات اكافح عن شموخي وعنـي
ولي لابةٍ تنطح جميـع المواجيـب
وفعولهـا بيـن العبـاد اعتلـنـي
واصعب خطا لا صار بين الاقاريب
منه اجسر قلـوب النشامـا تحنـي
مصيبـةٍ فـوق الـدوا والتطابيـب
عنها حلول اهل العـدل يقصرنـي
لاهو بعيـد وتصلبـه بالمصاليـب
وتماكنه ما بيـن ضـرسٍ وسنـي
جمله غريبه معربـه دون تعريـب
من طاح فيهـا مخطـرٍ يستجنـي
والصبر مفتاح القفـول المضابيـب
ولحدٍ قضا كـل السنيـن امتهنـي
""منتدى الزعامة""
من لايعٍ خـج الضلـوع وطعنـي
اركى على قلبي سمـوم اللواهيـب
سعايرٍ شويّـن حشـاي وشونـي
الهم ضيفٍ والحشـا لـه معازيـب
ضيفٍ كليـف معزبـه مـا يونـي
وشعمت نار السمر من فرية الجيب
لعـل هاجـوس الفكـر يستعـنـي
وادنيت ترفات الـدلال المحاديـب
هـدفٍ بصلـو المرجلـه حرقنـي
وسويت فنجال الهجوس اللواعيـب
كيفٍ على مشهـاي هيـلٍ وبنـي
برية نكوي بهـا الجـرح ويطيـب
مـن ريحهـا حواجبـي رفعـنـي
وشفيت فنجـالٍ سليـم العذاريـب
اكـوي جـروحٍ بالزمـن طاولنـي
وسحاحت اضراسي مثل شمخ النيب
هجراع واضراس الجزع يرعبنـي
ودارت محاحيل الفكـر بالمجاذيـب
شـاوات للجـم الرهـي حولـنـي
بيدين هجسٍ لا تقافـن مغاضيـب
وليـا اقبلـن ولينهـن يضحكنـي
ترامعـن فـي زاميـات المراقيـب
ومـدن درابيـل الرهـا وارمعنـي
للشرّد العسـرات خيفـه وتاديـب
وللهينـه والـدون مـا ينظرنـي
بعيونها للصعب مثـل المشاهيـب
ولا راضت العسره لهـا يغنجنـي
وترايعن مثـل امهـات الدباديـب
لين استهاضن خاطري وإشعفنـي
ما شلت لي محزم زهابـه مكاذيـب
غزايـزٍ فـي طرقـتـي جملـنـي
ارد على هداج عـذب المشاريـب
وجنبي متين ولنثنـي دون ضنـي
لو الزمن ما طاع عكف الاشانيـب
ولو الليالي لا خـذن مـا عطنـي
مير الصبر ليّـه ابنكـه مكاسيـب
اصبـر ودورات الدهـر يرجعنـي
مرات اهاجـم بالقنـا والمشاعيـب
ومرات اكافح عن شموخي وعنـي
ولي لابةٍ تنطح جميـع المواجيـب
وفعولهـا بيـن العبـاد اعتلـنـي
واصعب خطا لا صار بين الاقاريب
منه اجسر قلـوب النشامـا تحنـي
مصيبـةٍ فـوق الـدوا والتطابيـب
عنها حلول اهل العـدل يقصرنـي
لاهو بعيـد وتصلبـه بالمصاليـب
وتماكنه ما بيـن ضـرسٍ وسنـي
جمله غريبه معربـه دون تعريـب
من طاح فيهـا مخطـرٍ يستجنـي
والصبر مفتاح القفـول المضابيـب
ولحدٍ قضا كـل السنيـن امتهنـي
""منتدى الزعامة""